სპანაკოპიტა

ასე უწოდებენ ბერძნები ისპანახისა და ყველის ნაზავისგან მომზადებულ ღვეზელს. მთავარი ამ ღვეზელში ცომია, რომელსაც ,,ფილო” ჰქვია, თარგმანში ფურცელს ნიშნავს და მართლაც ფურცელივით თხელია. ასეთი ცომით მზადდება ცნობილი ბაქლავაც. ფილოს შეძენა თბილისში მომრავლებულ თურქულ მარკეტებშიც შეგიძლიათ.

მასალა:
ფილოს 20 ფურცელი
1 კგ ისპანახი
500 გრ ყველი
2 თავი ხახვი
2 კვერცხი
ზეთი ან დამდნარი კარაქი – გასაპოხად

მომზადება:

ისპანახი გავრეცხოთ, გავთუთქოთ, გავწუროთ და დავჭრათ. ხახვი დავჭრათ, ზეთში მოვშუშოთ, დავუმატოთ ისპანახი. ყველი დავფხვნათ ან გავხეხოთ, შევურიოთ ისპანახი, თუ ყველი ნაკლებ მარილიანია, მაშინ ცოტა მარილი უნდა დავამატოთ. ამ მასაში ჩავახალოთ ერთი კვერცხი და კარგად ავურიოთ. ზოგიერთ რეცეპტში გულსართს ემატება მწვანე ხახვი, პრასი, კამა, პილპილი – ეს თქვენს გემოვნებაზეა დამოკიდებული. ვხვდებით კიდევ ფქვილიან ვარიანტსაც – გულსართში 2-3 ს.კ. ფქვილის დამატება ზედმეტი სითხის შეწოვას იწვევს და გულსართი უფრო ერთგვაროვანი გამოდის. საცხობ ფორმას საკონდიტრო ფუნჯით წავუსვათ ზეთი, დავაფინოთ ფილოს ფურცელი, რომელსაც ასევე უნდა წავუსვათ ზეთი. ასე უნდა დავაფინოთ დაახლოებით 8-10 ფენა ცომი, ბოლოს ზეთი აღარ წავუსვათ, პირდაპირ გულსართი დავადოთ და თანაბრად გადავანაწილოთ. ქვედა ფენის ფურცლები ლამაზად გადმოვკეცოთ გულსართზე და ახლა ზედა ფენა დავაფინოთ, წავუსვათ ზეთი. ზემოდანაც იმდენივე ფენა ცომი უნდა იყოს, რამდენსაც ძირში გავუკეთებთ. ბოლო ფენა შეეცადეთ ლამაზად შეკეცოთ და ზეთით აღარ გაპოხოთ – მას ათქვეფილი კვერცხი უნდა გადაუსვათ, რომ ცხობისას ლამაზად დაიბრაწოს. სანამ ღუმელში შედგამდეთ, ბასრი დანით  2-3-გან ფრთხილად, სიმეტრიულად  ჩაჭერით, რომ ღვეზელიდან ჰაერი გამოვიდეს და ფორმა არ დაკარგოს. სპანაკოპიტა ცხვება 180 გრადუსზე გახურებულ ღუმელში, დაახლოებით 25-30 წუთის განმავლობაში. თვითონ შეამოწმეთ – თავი რომ დაებრაწება, ესე იგი, მზადაა. შეგრილებული ღვეზელი დაჭერით თანაბარ ნაჭრებად.


This entry was posted in ღვეზელი and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s